ఢిల్లీ మెట్రో మరియు బస్సులలో మహిళలకు ఉచిత ప్రయాణం - కేజ్రీవాల్ ఆఫర్

మహిళలకు ప్రభుత్వ రవాణా వ్యవస్థలలో ఉచిత ప్రయాణానికి వీలు కల్పించనున్నట్లు ఢిల్లీ ముఖ్యమంత్రి కేజ్రీవాల్ ప్రకటించారు.

మహిళలకు, ప్రభుత్వ రవాణా వ్యవస్థలలో ఉచిత ప్రయాణానికి వీలు కల్పించనున్నట్లు ఢిల్లీ ముఖ్యమంత్రి కేజ్రీవాల్ ప్రకటించారు. ఇది ఢిల్లీ మెట్రో మరియు బస్సులు రెండింటిలో వర్తిస్తుందని, మూడు నెలల్లో ఈ సౌకర్యం అందుబాటులోకి వచ్చే విధంగా చర్యలు తీసుకుంటామని ఆయన తెలిపారు. రాష్ట్రంలో మహిళల భద్రత కోసమే ఈ నిర్ణయం తీసుకుంటున్నామని ఆయన అన్నారు.

రాష్ట్ర ప్రభుత్వం ఈ పథకం కోసం ఏటా 700 కోట్లు ఖర్చు చేయనుంది. ఢిల్లీ మెట్రోలో 50%వాటా కేంద్ర ప్రభుత్వానిది కావడం వలన ఈ పథకాన్ని కేంద్రం కూడా ఆమోదించవలసి ఉంది.  రాష్ట్రంలో కరంట్ బిల్లులు తగ్గించడానికి కూడా రెగ్యులేటరీ బోర్డుతో కూడా చర్చలు జరుపుతున్నామని కేజ్రీవాల్ తెలిపారు.     

ఢిల్లీలో అధికారంలో ఉన్న కేజ్రీవాల్ నేతృత్వంలోని ఆమ్-ఆద్మీ-పార్టీ, ఇటీవలి లోక్ సభ ఎన్నికలలో అన్ని స్థానాల్లోనూ ఓడిపోవడంతో ఈ నిర్ణయం చర్చనీయాంశమయింది. బిజెపి రాష్ట్ర అద్యక్షుడు మనోజ్ తివారి ఇది ఎన్నికల గిమ్మిక్ అని, ఓట్ల కొనుగోలుకు ఇప్పడినుండే సిద్ధమవుతున్నాడని విమర్శించారు.

సోషల్ మీడియాలో కామెంట్ల వెల్లువ 

కేజ్రీవాల్ నిర్ణయంపై ప్రశంసల కన్నా విమర్శలే ఎక్కువ వస్తున్నాయి.

ఈ నిర్ణయం వల్ల ఢిల్లీలో ప్రజా రవాణా వ్యవస్థను ఉపయోగించడం పెరుగుతుందని, దాని వలన వాయు కాలుష్యం తగ్గవచ్చని కొందరు వ్యాఖ్యానించారు. మరికొందరు పేద, మధ్య తరగతి మహిళలకు ఈ పథకం ఉపయోగపడవచ్చని అన్నారు. ఇంకా     
  • నేను బుర్ఖా, గాజులు కొంటున్నానని ఒకరు, 
  • ప్రజలు కష్టపడి పనిచేసి పన్నులు చెల్లిస్తే, కేజ్రీవాల్ దుబారా చేస్తున్నాడని, ఇది ప్రజల డబ్బులతో ఓట్లు కొనుగోలు చేయడమేనని, 
  • అసలు ఉచిత ప్రయాణానికి,  సురక్షితంగా ఉండటానికి సంబంధం ఏమిటని,  
  • సురక్షిత ప్రయాణం కోసం ఢిల్లీలో వీధిలైట్ల సంఖ్యను పెంచాలని, సీసీటీవీలను, సెక్యూరిటీని కూడా పెంచాలని, ఉచిత ప్రయాణం వల్ల లాభం ఏమిటని,     
  • లింగ సమానత్వం అంటే కేవలం మహిళలకు మాత్రమే ఉచిత ప్రయాణం కల్పించడం కాదని, 
  • టికెట్ రేట్లు అందరికీ 50% చేస్తే బావుంటుందని, 
  • ఇప్పటివరకు టోకెన్, స్వైపింగ్ మెషీన్లనే గేట్ల దగ్గర ఏర్పాటు చేశారని, ఇకమీదట లింగ భేదాన్ని గుర్తించే మెషీన్లను కూడా ఏర్పాటు చేయాలని,      
  • ఇప్పటివరకు అద్భుతంగా లాభాలలో పని చేస్తున్న ఢిల్లీ రవాణా వ్యవస్థలను నష్టాలకు గురిచేసే చర్య అని, 
  • ఆమ్ ఆద్మీ  పార్టీ కాస్తా ఆమ్ ఔరత్ పార్టీగా మారిందని ఇలా లెక్కలేనన్ని విమర్శలు, ఛలోక్తులు కూడా వినిపిస్తున్నాయి. 
Labels:

Post a Comment

Note: only a member of this blog may post a comment.

[blogger]

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget