విమానాన్నే దొంగిలించాడు

విమానాన్నే దొంగిలించాడు
అమెరికాలో ఒక ప్రబుద్ధుడు ఏకంగా విమానాన్నే దొంగిలించాడు. శుక్రవారం రాత్రి సియాటిల్ విమానాశ్రయం నుండి అలస్కా ఎయిర్ కు చెందిన బొంబార్డియర్ Q400 విమానం టేక్ ఆఫ్ అయింది. అయితే ఎగరడానికి కావలసిన ముందస్తు అనుమతులేవీ తీసుకోక పోవటంతో  కలకలం చెలరేగింది. 9/11 ఘటన తర్వాత ఇటువంటి విషయాల్లో అప్రమత్తంగా ఉంటున్న భద్రతా దళాలు రెండు F-15 యుద్ధ విమానాలతో ఆ విమానాన్ని వెంబడించాయి. 

అయితే బయలుదేరిన కొద్దీ సేపటికే కెట్రాన్ ఐలాండ్ సమీపంలో ఆ విమానం కూలిపోవటంతో అధికారులు ఊపిరి పీల్చుకున్నారు. తొలుత ఉగ్రవాద ఘటనగా దీనిని భావించినప్పటికీ అటువంటిది ఏమీ లేదని తేలింది. ఎయిర్ లైన్ సంస్థకు చెందిన 29 ఏళ్ల గ్రౌండ్ సర్వీస్ స్టాఫ్ లో ఒకరు ఈ విమానాన్ని ఎత్తుకెళ్లారని తేలింది. అయితే ఆత్మ హత్య కోసమే ఈ విమానాన్ని దొంగిలించాడా? మరే కారణం వల్లనయినా అది కూలి పోయిందా అని అధికారులు దర్యాప్తు చేస్తున్నారు.  

0/Post a Comment/Comments