జూన్ నెలలో టోకు ధరల ద్రవ్యోల్బణం 5.77% - డిసెంబరు 2013 తర్వాత ఇదే అత్యధికం.

జూన్ నెలలో  టోకు ధరల ద్రవ్యోల్బణం 5.77
టోకు ధరల ఆధారిత ద్రవ్యోల్బణం జూన్ నెలలో  5.77 శాతానికి చేరినట్లు సోమవారం విడుదల చేసిన అధికారిక గణాంకాలు వెల్లడించాయి. డిసెంబరు 2013 తర్వాత ఇదే అత్యధికం.  ఇంధనం ధరలు పెరగటం వలన ఇలా జరిగింది. జూన్ నెలలో టోకు ధరల సూచి (డబ్ల్యుపిఐ) వృద్ధి 4.43 శాతంగా నమోదయింది. గత ఏడాది జూన్ నెలలో ఇది కేవలం 0.9 శాతంగా నమోదైంది.

ఇండెక్స్ లోని  ప్రాధమిక వస్తువుల విభాగంలో ద్రవ్యోల్బణం మే నెలలో 3.16 శాతం నుంచి జూన్ నెలలో 5.3 శాతానికి పెరిగింది, అయితే ఆహార ద్రవ్యోల్బణం మాత్రం అదుపులోనే ఉంది. ఇదే కాలంలో ఆహార ద్రవ్యోల్బణం 1.6% నుండి 1.8% కు మాత్రమే పెరిగింది.

చమురు మరియు సహజ వాయువుల ధరలలో పెరుగుదల వల్ల టోకు ధరల ఆధారిత ద్రవ్యోల్బణం పెరిగింది. ఇది గత నెలనుండి ఈ నెలకు 26.9 శాతం నుండి 48.7 శాతానికి చేరుకుంది. అదేవిధంగా ఇంధన మరియు విద్యుత్ రంగ ద్రవ్యోల్బణం ఇదే కాలంలో 11.2% నుండి ద్రవ్యోల్బణం 16.2% కు పెరిగింది. తయారీ రంగంలో టోకు ద్రవ్యోల్బణం మే నెలలో ఉన్న 3.73% నుంచి జూన్ నెలలో 4.17% కి పెరిగింది. 

0/Post a Comment/Comments