బంగ్లాదేశ్ కు భారత్ నుండి డీజిల్ ఎగుమతులు

బంగ్లాదేశ్ కు భారత్ నుండి డీజిల్ ఎగుమతులు

భారత్ నుండి బంగ్లాదేశ్ కు రైల్వే వాగన్ల ద్వారా డీజిల్ ఎగుమతులు ఇవాళ (మార్చ్ 17న ) ప్రారంభమయ్యాయి. 2200 టన్నుల (2700 కిలో లీటర్ల) తో మొదటి కన్సైన్మెంట్ సిలిగురి రిఫైనరీ నుండి బంగ్లాదేశ్ లోని ప్రతిభాపూర్ లోని బంగ్లాదేశ్ పెట్రోలియం కార్పొరేషన్ (BPC) డిపో కు బయలుదేరింది. ఈ డీజిల్ BS III (Euro-III) గ్రేడ్   350 PPM సల్ఫర్ నాణ్యత కు చెందినది. ఈ రైల్ 516 km (253 km ఇండియా లో  మరియు  263 km బంగ్లాదేశ్ లో)  ప్రయాణించి మార్చ్ 19న గమ్యస్థానం చేరుకోనుంది.

భారత్, బంగ్లాదేశ్ ల మద్య కుదిరిన ఒప్పందం లో భాగంగా  ప్రతిభాపూర్ నుండి సరిహద్దు వరకు పైప్ లైన్ నిర్మించనున్నారు. దీనిని సిలిగురి రిఫైనరీ కి చెందిన పైప్ లైన్ తో జత చేస్తారు. ఇది పూర్తయ్యేవరకు రైలు వాగన్ల ద్వారా డీజిల్  సరఫరా చేయనున్నారు.