0
ఏప్రిల్ 6 న సిద్ధిపేట ఎన్నికలు
ఏప్రిల్ 6 న సిద్ధిపేట ఎన్నికలు
సిద్ధిపేట ఎన్నికల నోటిఫికేషన్ ను రాష్ట్ర ఎన్నికల కమిషనర్ నాగిరెడ్డి జారీ చేసారు. దీని ప్రకారం ఏప్రిల్ 6న ఎన్నికలు, ఏప్రిల్ 11న కౌంటింగ్ జరగనున్నాయి. ఈ ఎన్నికలకు సంబంధించిన ఎన్నికల కోడ్ తక్షణం అమల్లోకి వస్తుంది మరియు మున్సిపల్ పరిధి వరకే వర్తిస్తుంది.

ఈ నోటిఫికేషన్ వివరాలు జిల్లా ఎన్నికల అధికారి మరియు జిల్లా కలెక్టర్ అయిన రోనాల్డ్ రాస్ తెలియ చేసారు. ఆయన తెలిపిన వివరాలు
మార్చ్ 21 నుండి మార్చ్ 23 వరకు - నామినేషన్స్ స్వీకరణ
మార్చ్ 24 - నామినేషన్స్ పరిశీలన
మార్చ్ 25 - నామినేషన్స్ ఉపసంహరణ కు ఆఖరి తేది
- ఈ పోలింగ్ కోసం 34 వార్డులలో 84 పోలింగ్ సెంటర్లు ఏర్పాటు చేయనున్నారు. ఈ పోలింగ్ సెంటర్లలో 22 సెంటర్లను అత్యంత సమస్యాత్మకంగా,35 సెంటర్లను సమస్యాత్మకంగా పరిగణిస్తున్నారు.

సిద్ధిపేట చుట్టుపక్కల ఆరు గ్రామాల్లోని ప్రజలను మునిసిపాలిటీ లో కలపటానికి వ్యతిరేకంగా వేసిన పిటీషన్ ను హై కోర్ట్ కొట్టివేయటం తో ఎన్నికలకు మార్గం సుగమమైంది. ఈ గ్రామాలను కలపటం తో వార్డుల సంఖ్య 32 నుండి 34 కు పెరిగింది. సిద్ధిపేట, రాష్ట్ర నీటి పారుదల శాఖా మంత్రి హరీష్ రావు ప్రాతినిధ్యం వహిస్తున్న నియోజకవర్గానికి కేంద్రం కావటం తో ఇక్కడ TRS సులభంగా విజయం సాధిస్తుందని భావిస్తున్నారు.

Post a Comment

 
Top