వరల్డ్ రికార్డు విజయాలతో సిడ్నీ ఫైనల్లో సానియా హింగిస్ జంట

వరల్డ్ రికార్డు విజయాలతో సిడ్నీ ఫైనల్లో సానియా హింగిస్ జంట
సిడ్నీ ఫైనల్లో సానియా హింగిస్ జంట
ఇండియా టెన్నిస్ ప్లేయర్ సానియా మీర్జా,  స్విస్ క్రీడాకారిణి  మార్టినా హింగిస్ జతగా సిడ్నీ ఇంటర్నేషనల్ టోర్నమెంట్ ఫైనల్లోకి 29 వరుస విజయాల ప్రపంచ రికార్డు తో అడుగుపెట్టింది. ఈ ప్రపంచ నెంబర్ వన్ జంట సెమీఫైనల్లో రాలుక ఒలారు (రుమేనియా) / యురోస్లావ స్వెదోవ (కజకిస్తాన్ ) జంటపై 4-6, 6-3, 10-8 తో గెలుపొందింది. హోరాహోరి గా సాగిన సెమీఫైనల్ పోరాటం లో తొలిసెట్ ను 4-6 తో ఓడిపోయిన సానియా జంట రెండవ సెట్లో 2-1 తో వెనుకబడి వున్నప్పుడు వర్షం అంతరాయం కలిగించింది. విరామం తర్వాత చెలరేగి ఆడిన వీరు రెండవ సెట్ తో పాటు మ్యాచ్ ను కైవసం చేసుకున్నారు. 

వరుసగా 29 వ విజయం సాధించటం ద్వారా 1994 లో గిగి ఫెర్నాండేజ్ (ప్యూర్టారికో ) /నతాలియా జ్వేరేవా (బెలారస్) జంట నెలకొల్పిన 28 వరుస విజయాల రికార్డును బ్రేక్ చేసారు. ఇప్పటికే 10 టైటిళ్ళు సాధించిన ఈ జంట 11 వ టైటిల్ విజయానికి కేవలం ఒక అడుగు దూరం లో వుంది.

0/Post a Comment/Comments

Previous Post Next Post